„მაშინ ჩნდება კითხვა: სად არის კონტენტი? ჯერ არ არის? ეს არც ისე ცუდია, გამოსავალი „სატესტო ტექსტია“ (Dummy copy). მაგრამ უფრო უარესი: რა მოხდება, თუ „თევზი ქილაში არ ეტევა“ ან ფეხი ჩექმისთვის ზედმეტად დიდია? ან პატარა? ზედმეტად მოკლე წინადადებები, ბევრი სათაური, შემოთავაზებული დიზაინისთვის შეუსაბამოდ დიდი ან პატარა ფოტოები... ან სულაც ყველაფერი ეტევა, მაგრამ რაღაც მიზეზების გამო მაინც ცუდად გამოიყურება.“

„კლიენტი, რომელიც უკმაყოფილოა კონკრეტული მიზეზით — პრობლემაა; მაგრამ კლიენტი, რომელიც უკმაყოფილოა, თუმცა ვერ ხსნის რატომ — გაცილებით უარესი. სავარაუდოდ, პროცესში დააკლდა კოლაბორაცია, კომუნიკაცია და საკონტროლო წერტილები; არ არსებობდა შეთანხმებული პროცესი საჭირო დეტალიზაციით. ეს თავიდანვე არასწორად დაგეგმილი კონტენტ-სტრატეგიაა. თუმცა, მოდით მეორე მხრიდან შევხედოთ: როგორ შეიძლება კონტენტის შეფასება დიზაინის გარეშე? ტიპოგრაფიის, ფერების, განლაგებისა და სტილის გარეშე — ყოველივე იმის გარეშე, რაც ტექსტზე მეტს ამბობს: ინფორმაციის იერარქია, წონა, აქცენტები, პრიორიტეტები და ის ნიუანსები, რომლებიც მკითხველზე ვიზუალურ და ემოციურ გავლენას ახდენს.“